Quince artistas vascos, saharauis y palestinos se reunieron este sábado en el Palacio Euskalduna de Bilbao para conmemorar el 50º aniversario de la proclamación de la República Árabe Saharaui Democrática. El auditorio principal se transformó simbólicamente en una gran haima, emblema de la identidad saharaui, en un concierto cargado de compromiso, solidaridad y reivindicación. La cantante saharaui Aziza Brahim fue la invitada especial e interpretó varios temas en solitario y junto a artistas vascos como Mikel Urdangarin, Oreka Tx y Eñaut Elorrieta. También participaron, entre otros, Suilma Aali, Itziar Ituño, Olaia Inziarte, Iker Lauroba y Esti Markez. El acto incluyó además un gesto de apoyo al pueblo palestino con la actuación de los artistas gazatíes Ahmed & Nur.

El concierto, organizado por Euskal Fondoa y la Asociación de Amigos de la RASD de Álava con el respaldo del Ayuntamiento de Bilbao y eLankidetza, tuvo como objetivo visibilizar un conflicto que los organizadores consideran olvidado, recordando que el pueblo saharaui lleva cincuenta años entre el exilio y la ocupación, y que desde 2020 el alto el fuego está roto. La iniciativa “Saharari Kantari” retoma un proyecto musical nacido en 2013 para acercar la realidad saharaui a la juventud vasca a través de la música. Tras la publicación de un disco colectivo en 2023 y un primer gran concierto en el Kursaal de Donostia, la cita de Bilbao reafirmó la música como espacio de encuentro entre culturas y herramienta de defensa de la justicia y los derechos humanos.

Sahararen askatasuna kantari aldarrikatu dute Bilbon, Palestina ahaztu gabe

Hamabost artista euskaldun, saharar eta palestinar Bilboko Euskalduna Jauregian elkartu dira larunbat honetan Saharako Errepublika Arabiar Demokratikoaren sorreraren 50. urtemuga ospatzeko. Euskal Herritik Mendebaldeko Sahara eta Palestinaren askatasunaren aldeko aldarrikapen kulturala izan da.

Hamabost artista euskaldun, saharar eta palestinar elkartu dira larunbat honetan oholtza berean, Bilboko Euskalduna Jauregian, Saharako Errepublika Arabiar Demokratikoaren 50. urtemuga ospatzeko. Auditorio nagusia haima handi bat bilakatu da, saharar identitatearen ikur nagusia. 

Aziza Brahim abeslari sahararra izan da gonbidatu berezia. Aziza Brahimek bakarka kantatu ditu hainbat abesti, eta euskal abeslariekin ere arituko da. Mikel Laboaren ‘Martxa baten lehen notak’ abesti mitikoa Mikel Urdangarin eta Oreka Tx-rekin batera abestu du. Eñaut Elorrietarekin 2017an grabatu zuen ‘Desio bat dut’ abestia, berriz, lehen aldiz kantatu dute zuzenean bi artistek.

Tindufeko errefuxiatuen kanpalekuetan jaiotako artista –bere amak basamortua zeharkatu zuen berataz haurdun zegoela– pozarren agertu da kontzertuaren harira: «Oso kontzertu berezia da, errepikaezina,  kausa on batengatik egindakoa. Saharar herria 50 urte darama borrokan, zatituta, batzuk okupaziopean eta beste asko erbestean. Herrien askatasuna aldarrikatzeko unea da, saharar herriaren askatasuna».

Hau ere zure interesekoa izan daiteke

Aziza Brahimek 2017an jo zuen azken aldiz Euskal Herrian. Bere musika, basamortuko oihartzunez beteta, magiaz bete du Euskalduna. Suilma Aali izan da kontzertuan aritu den beste artista sahararra; bere aitaren lurrari eskainitako abesti bat kantatu du lehenengo aldiz. Aali, gainera, ‘Haizea harrien kontra’ kanta abestu du Itziar Ituño eta Olaia Inziarterekin batera.

Konpromisoz, elkartasunez eta aldarrikapenez beteriko ekimen honek keinua egin dio ere palestinar herriari, Gazako bi artisten emanaldi bereziarekin: Ahmed & Nur. 

Iker Lauroba eta Esti Markezek ‘Sahara’ abestia kantatu dute elkarrekin. Postal Kolekzionistak taldeko Iñigo Asensio, berriz, Esanezin taldeko Ianire Aranzaberekin aritu da ‘Hareazko erlojuan’. Mendebaldeko Saharari eskainitako kantak dira denak. 

Palestina ere gogoan

Konpromisoz, elkartasunez eta aldarrikapenez beteriko ekimen honek keinua egin dio ere palestinar herriari, Gazako bi artisten emanaldi bereziarekin: Ahmed & Nur. 
 
Kontzerturako musika banda bat sortu da, Antxon Sarasua, Dani Venegas, Joanes Ederra, Mikel Fagoaga eta Xabier Zeberiok osatua.

Ahaztutako gatazka bat
 
Saharar herriari babesa erakustea eta ahaztutako gatazka honi ikusgarritasuna ematea du helburu Saharari Kantarik, Marokok Mendebaldeko Sahara okupatu zuenetik mende erdia bete denean. «Ez dugu ahaztu behar duela bost urte berriz ere gerra hasi zela, eta ez dugu ahaztu behar herri honek berrogeita hamar urte daramatzala erbestean, basamortuen basamortuan, edo okupaziopean, bere lurraldean bertan», nabarmendu dute antolatzaileek.
 
Kontzertua Euskal Fondoa eta Saharako Lagunen Arabako Elkarteak antolatu dute Bilboko Udalaren eta eLankidetzaren babesarekin.  
 
Saharari Kantari aukera paregabea da, musikaren bidez, 50 urte borrokan eta erresistentzian daraman herriari babesa emateko, eta, bide batez, herri gisa duen askatasun eskubidea aldarrikatzeko. Musika, beraz, justiziaren eta giza eskubideen defentsarekin konprometitutako bi herri eta bi kulturen arteko topaleku bihurtu da.

Saharari Kantariren jatorria
 
Ekimen hau nola hasi zen ulertzeko 2013ra jo behar da. Arabako SEADen Lagunen Elkarteak hiru urtez jarraian ‘Saharari Kantari-Una canción por el Sahara’ musika lehiaketa bultzatu zuen. Helburua zen musikaren bidez gatazka honen errealitatea euskal gazteei hurbiltzea, euskal artistek saharar herriaren aldeko kanta bat sortzeko konpromisoa har zezaten. Ekimen hartatik kantu errepertorio zabala sortu zen eta hiru diskotan bildu ziren, bat edizio bakoitzeko.
 
2023an, Euskal Fondoa, ‘Berria’, Elkar eta Bakunen eskutik, ekimen haren izena eta izana berreskuratu zuten, hamabi kantuz osatutako disko bakarra sortzeko: ‘Saharari Kantari’. Lan horretan, lehiaketako abesti batzuk bildu ziren, eta baita ere horretarako propio sortutako abesti originalak.
 
Diskoa argitaratu ondoren, kontzertu ahaztezin bat egin zen, 2023ko abenduaren 22an, Donostiako Kursaaleko auditorioan. Magiaz beteriko gau hura Bilboko Euskaldunan biziko da datorren larunbatean, otsailaren 28an.

Source: Sahararen askatasuna kantari aldarrikatu dute Bilbon, Palestina ahaztu gabe | Culture | Naiz